Muxuu Ku Saabsan Yahay Cilmu Nafsigu.?

Cilmu- Nafsiga ama Ruuxdu Waxay Go‟aaminaysaa waxa aad tahay iyo sida aad tahay. Wax kasta oo Wanaag iyo Horumar ah Waxaa Saldhig u ah, Shaki la‟aan, Sida Nafsaddaadu tahay. Wax kasta oo aad Samaynayso, Wanaag iyo Xummaan Waxaa Saldhig u ah, sida Nafsaddadu tahay. Himmaddaada iyo Hankaaga Waxaa go‟aaminaya Sida Nafsaddadu Tahay.  Sidaas Daraadeed Wax yaabaha Horumarka ah ee bilaa‟aadanku gaaro, Qof ahaan ama Mujtamaca iyo Dawlad ahaan, Waxay Xiriir la leedahay, Nafasdda Qofku sida ay tahay. Danbiyada aadanuhu sameeyo, iyo nolol xummada Adduunkaan, Sida Faqriga iyo Wax la‟aantu Waxay Ku saabsan Tahay Sida Nafsaddu Tahay . Marka Cilmiga Nafsadda oo aad Wax Ka Ogaato, Waxaa Ku xiran Wanaagga aad Doonayso, Adduun iyo aakhiraba iyo Xummaanta aad ka cararayso, adduun iyo aakhiraba. Sidaas daraadeed aad iyo aad ayuu Muhiim Kuugu Yahay, Kuuna Quseeyaa, Noloshaadana Wax Wayn ayuu Ka badalayaa. Gaar ahaan Markii aad u barato Cilmu-nafsiga Qaab Islaamka Waa Faqsan oo Quraanka Kariimka ah Ku hoggaaminayo. Waxaa la‟oggaday casrigaan aan joogno in guusha dagaalka lagu guulaysto ay ku xiran tahay inta badan Nafsadda, ee aysan Ku xirnayn, Tirada ciidanka iyo qalabkooda. Sidaas daraadeed Dawladaha waaweyn ee Cilmigaas fahamka u leh, Waxay ku dadaalaan inay niyo Jebiyaan Ciidanka cadawga, isla Markaasna niyada u dhisaan ciidankooda. Intabadan Hawshaas Waxay ku qabtaan Saxaafadda iyo Warbaahinta Qaybaheeda kala Duwan. Arrintaas Asalkeedu Wuxuu ka soo jeedaa Islaamka, Waxaana Daliil looga helayaa Quraanka. Guulihii layaabka lahaa ee Muslimiintu ka gaareen Dagaaladii ay Gaalada la Galeen, Waxay Tusinayeen Sida Xooggan ee Nafsaddoodu u dhisnayd, oo Alle u dhisay. Alle Wax Kasta ayuu siin karay Rasuulkiisa iyo Mu‟miniinta, laakiin Wuxuu ina Barayay cilmi Waara oo Bilaa‟aadanka oo dhan ku Saabsan. Waa Cilmiga Nafsadda. Alle Nabiga iyo Asaxaabtiisa Nafsadda ayuu ka dhisay. Waxay heleen, Nafsad aan cid kale oo adduunkaan ku nool haysan. Taas ayay ku dabooleen Farqiqii Tirada iyo Hubka ee u dhexeeyay iyaga iyo cadawgooda. Waxaan la yaabaa, Dagaallada hadda ka Dhex-socda Reer Galbeedka iyo Al-qaaciido iyo Daalibaan. Nafsiyaadka Al-qaaciido, iyo daalibaan, Waxay Ka duwan yihiin Nafsiyaadka ciidamada Xoogga badan ee Reer Galbeedka. Reer Galbeedku Waxay Ku Dagaalamayaan, Tiro, Hub casri ah, lacag, iyo Cilmi aad u sareeya. Laakiin Al-qaaciido iyo daalibaan, Waxay ku Dagaallamayaan Nafsiyaad aad loo dhisay ee ku saabsan dhinaca dagaalka iyo sababta ay u Dagaalamayaan. Taasi Waxay keentay, inay Xammilaan oo u adkaystaan dhib kasta iyo Hub kasta oo loo adeegsado, isla Markaasna Laga yaabo inay iyagu u Haraan Goobta dagaalka. Taasi Waa Tusaale Ku saabsan Qaabka dhismaha nafsadd u shaqayso iyo sida ay wax kasta iyada ugu xiran yihiin.

Lasoco qaybta 3-(Sedaxaad Dhawaan ) 

F.G Waxa aan Kasoo Xiganay   Buugga FAHAMKA NAFTU WAA -FURAHA NOLOSHA EE UU QORAY QORAA Shiikh Cabdiraxmaan Maxamed Jibril SHIIKHU Waa Aqoon-yahan Diinta Islaamka iyo Cilmu Nafsiga Ku Xeel Dheer Wuxuu Aqoon Dheeraad ah u leeyahay Cilmiga Bulshada iyo Siyaabaha ay Bulshadu isu Baddasho. Kadib Qaran Jabkii.

W/Q: NUUR MACALIN MUUSE NUUR INJI